Di Seefaartütsteling ön`t Sölring Museeum
(Maren Jessen)
Di Seefaartütsteling ön`t Sölring Museeum ön Kairem bi Klef weeget üüs wat aur di intresant Histoori fan üüs Sölring ,Fuarfaaren, diar aur muaren Jaarhönerten tö See faart sen. Bisir nautisk Instrumenten, Seekester, Steeweler, Harpuunen en Flenskniiwer ken em Skelter fan Koptains en Skeepen finj. Di Bigen fan di Sölring Seefaart gair töbeek ön`t 13. Jaarhönert. Dit ken em ön di Krooniken fan Henning Rinken en Dr. Hugo Krohn eeđerlees. Di Maaner ging töjest me iinfach Röbuaten üt üp Skelfesk- en Jeringsfang ön di Nuurđsee, en üp Rochel, - Skolen - en Skrukenfang ön Heef. Dit wiar en mal āremurig Leewent. Aurdat en masi Feskers me jaar Buaten tö Duar kām - di Bistant ging fan 20 üp 4 Buaten töbeek - sen di Miisten da tö Bigen fan`t 17. Jaaarhönert üp Greenlönfaart skeft. Ja faart üp Walfeskfang-Skeepen fan Holön, Hamborig en Denemark en di jest Sölring, di Bröđern Bunje en Tam Petersen fan Tinem, köört al 1642 bi di Holöners üs Kumandöörs. Di Ütbiljing fuar di Seefaart bigent tö des Tir al me dit tiinst bit hentö twelefst Leewentsjaar. Binai ali Maaner en Dreenger, diar sün wiar, wiar ütfan üp Greenlönfaart en di Dreenger her al fjuur bit hentö fif Raisen achter jam, jer`s friimaaket waar. Fan 1670 bit hentö 1719 köört fan Hamborig 2279 Skeepen üp Walfeskfang tö Greenlön, diarfan sen ek mener üs 84 ön`t Is forünleket. Man likert faart fan di nuurđfriisk Ailönen 4000 Maaner üp Walfeskfang, diarfan kām fan`t Ailön Söl 1000 bit hentö 1500 Maaner, diarfan 20 bit hentö 25 Kumandöörs. Ön`t Jaar 1780 waar üp Söl 597 Seeliren teelt, diarfan 104 Koptains en 164 Stjüürliir. Ja faart üp di gurtst dütsk, deensk en holöns Walfeskfangflooten, man tö des Tir uk üp Hanelsskeepen. Ön`t Jaar 1792 waar bluat jit 378 Seeliren üp Söl teelt, aurdat di Walfeskfang töbeekging. Di Miisten faart nü üp Hanelsskeepen t.B. tö Australiien, Kiina of Valparaiso. Di Sailskeepen waar diarfuar gurter en me fjuur Masten becht en tö Bigen fan`t 19. Jaarhönert waar diartö Dampskeepen iinseet. Likert bleew di Seefaart en di Aarber ön Buurt gifêrelk en fuar Kairem ging em ön di Jaaren 1820 bit hentö 1840 diarfan üt, dat ön des Tir muar üs 500 Seeliren tö Duar kemen sen. Dit wiar fuar`t Térp en swaar Forlust. Di Seefaart her ek bluat Welstand üp Ailön braacht, aurdat ön en masi Familjin di Nuar iintoch, wan di Faađer üp See bleew.
Die Seefahrtausstellung im Sylt Museum
(Maren Jessen)
Die Seefahrtausstellung im Sylt Museum in Keitum am Kliff zeigt uns etwas über die interessante Geschichte unserer Sylter Vorfahren, die über mehrere Jahrhunderte zur See gefahren sind. Neben nautischen Instrumenten, Seekisten, Stiefeln, Harpunen und Flens-Messern findet man Gemälde von Kapitänen und Schiffen. Der Beginn der Sylter Seefahrtgeschichte geht zurück in das 13. Jahrhundert. Das kann man in den Chroniken von Henning Rinken und Dr. Hugo Krohn nachlesen. Die Männer gingen zunächst mit einfachen Ruderbooten hinaus auf die Nordsee auf Schellfisch- und Heringsfang. Im Watt fischten sie Rochen, Schollen und Austern. Es war ein ärmliches Leben. Da viele Fischer mit ihren Booten zu Tode kamen – der Bestand ging von 20 Booten auf 4 Boote zurück – sind die meisten zu Beginn des 17. Jahrhunderts zur Grönlandfahrt gewechselt. Sie fuhren auf Walfang-Schiffen von Holland, Hamburg und Dänemark und die ersten Sylter Kommandeure, die Brüder Bunje und Tam Petersen aus Tinnum, fuhren 1642 unter den Holländern. Die Seefahrtausbildung begann in dieser Zeit bereits mit dem zehnten bis zwölften Lebensjahr. Fast alle Männer und Knaben, die gesund waren, waren auf Grönlandfahrt und die Knaben hatten schon vier bis fünf Reisen hinter sich, bevor sie konfirmiert wurden. Von 1670 bis 1719 fuhren von Hamburg 2279 Schiffe auf Walfang nach Grönland, davon sind nicht weniger als 84 im Eis verunglückt. Dessen ungeachtet fuhren von den Nordfriesischen Inseln 4000 Männer auf Walfang, davon kamen von der Insel Sylt 1000 bis 1500 Männer, darunter 20 bis 25 Kommandeure. Im Jahre 1780 wurden auf Sylt 597 Seeleute gezählt, davon 104 Kapitäne und 164 Steuermänner. Sie fuhren auf großen deutschen, dänischen und holländischen Walfangflotten, jedoch auch auf Handelsschiffen. Im Jahre 1792 wurden nur noch 378 Seeleute auf Sylt gezählt, da der Walfang zurückging. Die meisten fuhren nun auf Handelsschiffen z.B. nach Australien, China oder Valparaiso. Die Segelschiffe wurden zu diesem Zweck größer und mit vier Masten gebaut und zu Beginn des 19. Jahrhunderts wurden dazu Dampfschiffe eingesetzt. Gleichwohl blieben die Seefahrt und die Arbeit an Bord gefährlich und für Keitum ging man in den Jahren 1820 bis 1840 davon aus, dass in dieser Zeit 500 Seeleute zu Tode kamen. Es war ein schwerer Verlust für das Dorf. Die Seefahrt hat nicht ausschließlich Wohlstand auf die Insel gebracht, da in vielen Familien die Not einzog, wenn der Vater auf See blieb.
Umgangsprache Sölring Januar 2026
Wat fuar en Dai haa wü deling?
(Welchen Tag haben wir heute?)
Deling es Winjsdai, jüster wiar Tiisdai.
(Heute ist Mittwoch, gestern war Dienstag.)
Deling kumt di Bleer en ik wel Sölring lees.
(Heute kommt die Zeitung und ich will Sölring lesen.)
Ik forstuun nönt diarfan.
(ich verstehe nichts davon.)
Hurdeling snaket em dit Uurt üt?
(Wie spricht man dieses Wort aus?
Wat bidüüdet dit Uurt ?
(Was bedeutet das Wort?)
Kenst Dü mi dit aurseet?
(Kannst Du mir das übersetzen?)
ā = langes offenes a
aa = langes offenes o
g = am Wortende und im Inlaut ch
ai = vor d und r langes offenes ä sonst ei
ē = langes offenes ä
d = l oder Zungenspitzen - r
Sölring Wörterbuch online: friisk.org
